كنافة بقلاوة خشاف وياميش
لوبيا بطاطس وكباب شيش
سفرة ملانة وبطن جعانة وصبر مافيش
نمشى شوية.... نبعد حبه
نقفل باب ...نفتح شيش
عادة ف بيتنا وكل عيلتنا ع السفرة يجيبنا أجدعها شاويش
ويقولك ياالله السفرة أهيه واللى هيصبر هنقوله يعيش
تصبر أيوة بطنى ولكن عينى بتاكل رز و عيش
تقوى ارادتى..أيوة عنيه لازم تصبر
يااما صيامى على طول فى الريش هيرح بقشيش
حان الان موعد واذان ..يافرحة بطنى وعينى كمان
خلاص افراج وباذن كمان جاى م الرحمن
اكل وبراحتى وع الله اكون قايم شبعان
بس ثوانى.. سمعاك بتقول انسان غلطان
دا كلام هيكون بعديه ندمان
رمضان دا شهر صيام ولا وليمة لكل جعان
صومه بروحك.. عقلك.. وجوارحك
قبل اما عليك هيكونوا ف يوم شاهد وعيان
خلاص غلطان....على طول ندمان
وياك حق ...وخلاص وعد
أول ماهيجى شاويشنا الغالى هدارى أوام
ورا أول كرسى.. ستارة.. سرير
أو يمكن أبات يوم ف الحمام
أظن تمام00000000
طب يالله سلااااااااام000
No comments:
Post a Comment